Manifeste affirmant le caractère un et divers de la langue d'Oc

#191: Ive Gourgaud - Re: pendant ce temps, à Barcelone... 

 "Vautres boutas l'unita avans la diversita (e n'en fasès pièi un Manifest"

Interpretacion enganadoira...

Nani totas doas indissociablas (nàni, tóuti dos indissouciablo) ... ponch de vista afortit per un grop d'escriveires, pas de politics ni de linguistas, solament d'usatgièrs apassionats e lucids de la lenga... segurs que se trocejam nòstra flaquesa serem simplament encara mai flacs e que nòstra situacion de desesperada vendrà definitivament reglada, una (o mai d'una segon vòstre ponch de vista) lenga(s) definitivament escafada(s) de la fàcia de la tèrra, e ne sèm pas luònh...

La dialectica unitat/diversitat es rica de potencialitats. La lenga d'òc concebuda coma una es una de las màgers culturas dau mond. Tòrne d'un congrès dau PEN internacional en estrèm Orient e o pòde afortir. Fai rire en França mas es respiechada alhors...

Se cambiam sa representacion a la fàcia dau mond en diguent que s'es tot d'un còp divisida en morsèls, arribarem enluòc. Sèm tròp flacs. Tot vai cabussar definitivament dins lo nonrés per la mai granda gaug de nòstres cars jacobinistas.

Me caudrà tornar comentar l'afar de la "lenga unificada", cresiái d'o aver dich clar, es una experiéncia per la pedagogia, interessanta en se, mas pòt de ges de biais resumir la lenga qu'es plena de vida jos sa forma dialectala. Diabolize pas la lenga "unificada" mas vòle pas qu'escafèsse la realitat de la lenga veraia qu'avèm eretada e qu'es la lenga viva. Per d'escriveires es una evidéncia. M'o caudrà benlèu tornar explicar mai en detalhs...