#94: Realista - Re: Re: Re: Era lenga d'OC

En principi, lei gents qu'escrivon normalament la lenga nòstra segon la grafia classica (la grafia mistralenca es tan occitana coma l'autra) sabon coma faire leis accents, mai aquesta pagina vos podrà ajudar, espèri. http://monsu.desiderio.free.fr/atelier/caracteres.html

M'agrada pas vòstra agressivitat (vos permetètz d'insultar lei gents mentre que pensi pas que d'èsser membre ò pas dau Collectiu Provença siga una escòrna), çò que fai que respondrai plus a vòstrei messatges essencialament motivats, a mon vejaire, per vòstre volontat de jogar lo "troll" (au sens informatic), valent a dire de desvirar lo debat. Ajustarai solament qu'es tipic tanben de la retorica antioccitanista de pretendre que lo mot "occitan" significariá que "lengadocian" : es faus ! Es verai que lo tèrme "Occitania", en latin, poguèt aver lo sens de "Lengadòc", mai es pas lo sens actuau, que correspònd au sens etimologic : "territòri de LA lenga d'òc". Lei francés diguèron "Occitania" (tèrme que podiá ja aver un sens generau) au comtat de Tolosa per, probable, escafar son recòrd. E mai Mistral, dins son diccionari, considerava que lo mot "occitan" aviá un sens generau pròche l'usatge de uei.

Quau que sigatz en realitat, pensatz çò que volètz. Cadun son gost.

Brave mossur,

gramercés per vôstra ajuda, mas pôdi totjorn pas escriure los O accentuats... Cal creire que mon ordinator es tan anti-occitanista coma ieu ! (vesètz, brave amic, cal pas confondre mon ironia e ço que disètz "mon agressivitat"). Ieu assagi aici de COMPRENE perqué un Manifesta que se ditz "unitàri" fa d'ataca contra de mond que son TANBEN de defensors de la lenga. Pas mai, pas mens. E trôbi que me fau mai insolentar que los autres, estent que soi lo solet a voler discutir d'aquô (lo mond del Collectif, a çô que vesi, se'n foton pas mal de tot aquô, an pas pres la pena de vos respondre ni de vos insolentar...

Ara comprene que ni vos nimai los autres occitanista avètz pas brica enveja de justificar vôstra iniciativa.

E benlèu qu'avètz rason? Fin finala, cadun demorarà dins son caire, amb la certesa d'èsse lo melhor, l'unic. Degun perdra pas son temps, coma o fau aici, a voler discutir amb de mond qu'an pas brica enveja de discutir. Sètz una secta, que ieu pôdi trobar simpatica perqué apara una lenga que m'es cara, mas vesi que l'intelligencia critica es pas aici la benvenguda.

Acabarai coma vos: "quau que sigatz en realitat, pensatz (e fasètz) çô que volètz. Cadun sa secta."#95: DanièlOlivar - Re: Re: Re: Re: Era lenga d'OC